A Mercadoría, considerado como o «outlet» de cerámica máis grande de Galicia, abriu as súas portas no Polígono do Espírito Santo, na provincia da Coruña. Os promotores habilitaron unha nave destinada á venda de cerámica ao peso, onde hai multitude de pezas que proveñen de fábricas portuguesas. E non só iso, senón que tamén se habilitou unha sección de téxtil, tanto de baño como de cociña.
Nestas primeiras semanas, a afluencia de persoas foi constante. De feito, tiveron que traer un camión para repoñer. As previsións, segundo comentan os donos, é ir ampliando a variedade de produtos, e así converter este espazo nun referente artesanal da comunidade. O horario é de mércores a domingo, de 10:30 h a 19.00 h. Ademais, o lugar permanecerá aberto durante toda a Semana Santa, ata o domingo. As pezas con algún defecto de fabricación terán descontos especiais.
A artesanía portuguesa é moi valorada en Galicia, onde tamén hai unha produción local referente a nivel mundial. As feiras de Caminha, Tui ou Vilanova de Cerveira son moi coñecidas dende hai anos; sendo costume que as poboacións fronteirizas acudan a elas para a compra de alimentos, mobiliario, produtos agrícolas, entre outros.
