O socialista António Costa logrou maioría absoluta (117 escanos de 230) nas eleccións lexislativas que celebrou Portugal de forma anticipada. Ante este contundente resultado, o presidente da Xunta de Galicia, Alberto Núñez Feijóo, felicitou publicamente ao primeiro ministro luso e a todo o pobo portugués; sinalando a Portugal como socio preferente; exemplo de transparencia democrática e estabilidade política.
Feijóo encomiou a determinación de Costa de adiantar as eleccións ante as esixencias do Partido Comunista e do Bloque de Esquerda de alterar as contas públicas. Unha victoria que permitirá aos socialistas portugueses non ver bloqueadas as súas iniciativas pola oposición. O presidente galego ve a António Costa como un líder racional que aposta pola recuperación económica e que mantén unha profunda amizade con Galicia.
António Costa repetiu en varias ocasións os lazos históricos que ten Portugal con España. Agora, cos fondos europeos as oportunidades de levar a cabo proxectos conxuntos multiplícanse. Teñamos en conta que os retos a nivel ibérico son moitos, coa Eurorrexión Galicia-Norte de Portugal pendente da alta velocidade, o desenvolvemento de chan industrial e a consolidación das eurocidades.
