Sogama (empresa pública autonómica de Galicia) e Lipor (Associação de Municípios para Gestão Sustentável de Resíduos do Grande Porto) están a valorar unha posible candidatura conxunta en materia de xestión de residuos dentro do Programa de Cooperación Transfronteiriza Interreg España-Portugal (POCTEP) 2021-2027.
Os directores de ambas as entidades, Mirta Sueiro e Fernando Leite, reuníronse no Porto para tratar o contido desta colaboración, que segundo se apuntou, estaría centrada en incrementar a reciclaxe e en descarbonizar os procesos industriais nas plantas de ambas as entidades. Con iso preténdese xerar «emprego verde» e cumprir co Plan de Acción de Economía Circular e o Pacto Verde Europeo.
Hai que lembrar que Sogama e Lipor xa colaboraron en proxectos europeos de xestión de residuos. Un dos últimos, o denominado «Res2ValHum» (POCTEP 2014-2020), de xestión de refugallos urbanos. Mentras Sogama trata a xestión de residuos de Galicia, Lipor trata anualmente ao redor de 500.000 toneladas de residuos urbanos xerados por un millón de habitantes (Norte de Portugal), e faio a través dun sistema integral baseado na reciclaxe e na compostaxe.
