Galicia e Portugal investirán 16,4 millóns de euros para o desenvolvemento sostible da Reserva da Biosfera Gerês-Xurés

O plan de xestión da reserva abarca un total de 11 municipios (seis galegos e cinco portugueses)

Comparte el artículo:

Galicia e Portugal investirán 16,4 millóns de euros no período 2022-2025 para garantir o desenvolvemento sostible da Reserva da Biosfera Transfronteiriza Gerês-Xurés. O anuncio levouse a cabo pola conselleira de Medio Ambiente, Territorio e Vivenda, Ángeles Vázquez, durante a presentación do plan de xestión deste espazo natural, o cal abarca un total de 11 municipios (seis galegos e cinco portugueses).

«O obxectivo é impulsar as actividades transfronteirizas e de cooperación entre as dúas rexións para conseguir un desenvolvemento económico sostible, conxugando a preservación do patrimonio natural e cultural, o turismo e as necesidades dos habitantes neste espazo natural», explicou a conselleira.

Algunhas das actuacións a realizar centraranse na educación ambiental e cultural; na promoción e implantación de medidas agroforestais-ambientais; na restauración e posta en valor de elementos do patrimonio arquitectónico; na organización da oferta turística; na posta en valor do territorio a través das novas tecnoloxías; na ampliación e mellora de hábitats e especies vexetais autóctonas, e nas accións de sensibilización e formación dirixidas ás poboacións e axentes locais trasfronterizos.

Noticias Relacionadas