A segunda edición do «Rebel Wine Fest», o único festival de viños naturais de Galicia, terá lugar no mercado San Agustín (A Coruña) os días 4 e 5 de novembro. Este evento contará coa participación de máis de 35 adegas de Galicia (e resto de España), Portugal e Grecia, ofrecendo aos asistentes a oportunidade de degustar máis de 200 viños diferentes. O festival distínguese pola súa selección de adegas de impacto positivo, destacando aqueles produtores que elaboran os seus viños cunha mínima intervención e un máximo respecto pola natureza; contribuíndo á recuperación de variedades e procesos artesanais e promovendo a biodiversidade.
Os visitantes terán a oportunidade de coñecer aos bodegueiros, probar os seus viños, explorar diversas propostas gastronómicas e gozar dunha variedade de actividades, incluíndo charlas, mesas redondas e actuacións musicais. Este ano, como novidade, levarase a cabo a primeira entrega dos premios Rebel, destinados a recoñecer a adegas, restaurantes e consumidores finais que se destacan no ámbito dos viños naturais.
O Concello da Coruña expresou o seu apoio a este evento, resaltando a importancia de promover prácticas vitivinícolas sostibles e de fomentar a cultura do viño natural na rexión. «Rebel Wine Fest» perfílase como unha cita imprescindible para os amantes do viño e aqueles interesados en descubrir novas tendencias no mundo vitivinícola; todo nun entorno único como é o mercado San Agustín.
