A Veiga (Ourense) ten o centro astronómico máis avanzado do norte peninsular

O observatorio, inaugurado fai un par de meses, está dotado de varios telescopios de última xeración, planetario, exposicións, simulador de voo e experiencias de realidade virtual

Comparte el artículo:

Compartir en facebook
Compartir en twitter
Compartir en linkedin
Compartir en whatsapp
Compartir en telegram
Compartir en email

O Centro Astronómico de Trevinca, situado en A Veiga (Ourense), abriu as súas portas tras varios anos de traballos e o investimento de 670.000 euros. Esta infraestrutura, considerada como a máis completa do norte peninsular, contou co apoio económico da Xunta de Galicia e a deputación provincial. Está situada no pico máis alto de Galicia (a 2.200 metros de altitude sobre o nivel de mar), cun 60% anual de noites despexadas. De feito, en agosto do 2015, a «Fundación Starlight» certificou a Trevinca como un dos mellores destinos turísticos do mundo para gozar das estrelas.

O observatorio está dotado de varios telescopios de última xeración, planetario, exposicións, simulador de voo e experiencias de realidade virtual; sendo un espazo que conta cunha ampla oferta formativa, tanto para escolares como para astrónomos. Pretende ser un lugar de encontro e produción científica, xa que os telescopios permiten compartir información con observatorios do resto de España e do mundo. Pero tamén está chamado a converterse nun espazo de atracción turística para a comarca e a eurorrexión (conta con dous miradoiros estelares en Tablilla das Lagoas e O Rañadoiro).

Conexión co AVE e despoboamento

Valdín, a parroquia da Veiga (887 habitantes) na que se sitúa o centro astronómico, está a 48 quilómetros (52 minutos) da Gudiña, que conta con estación de AVE. Isto supón un traxecto de tres horas dende Madrid, o que fai que a accesibilidade sexa moi boa para científicos e turistas. De feito, Juan Anta, alcalde de A Veiga, destacou a oportunidade que estas instalacións supuxeron para o dinamismo do lugar, que non hai moitos anos estaba abandonado.

Noticias Relacionadas