Empresarios galegos e portugueses piden reducir a burocracia na Eurorrexión Galicia-Norte de Portugal

Na III edición de «Diálogos de Gallaecia» falouse sobre industria, mobilidade e reformas económicas na fronteira

Comparte el artículo:

Compartir en facebook
Compartir en twitter
Compartir en linkedin
Compartir en whatsapp
Compartir en telegram
Compartir en email

O 23 de setembro tivo lugar a III edición de Diálogos Gallaecia na Universidade de Oporto. A este evento asistiron o presidente da Confederación de Empresarios de Galicia, Juan Manuel Vieites, e Carlos Barbot, CEO da firma Tintas Barbot (Portugal). Nas intervencións falaron sobre industria, mobilidade e reformas económicas na fronteira. Insistiuse na necesidade de buscar alianzas para impulsar aos distintos sectores da Eurorrexión Galicia-Norte de Portugal.

Para lograr este obxectivo, Juan Manuel Vieites considera imprescindible eliminar trabas fiscais e burocráticas na «Raia». Comentou que, mentres que en Portugal existe unha adecuada harmonización fiscal, e os trámites e licitacións resólvense con rapidez, en Galicia hai obstáculos que dificultan a implantación de empresas. Unha situación que xera dificultades e competencias entre municipios, o que fai imposible a estabilidade empresarial, e dificulta o emprendemento.

Os empresarios encomiaron a extraordinaria relación que existe entre Galicia e Portugal. Salientouse a crecente colaboración entre as universidades galegas e portuguesas no desenvolvemento de proxectos. Vieites e Barbot están convencidos de que se debe apostar pola economía verde e a dixitalización.

Infraestruturas ibéricas

No coloquio fíxose fincapé na integración das infraestruturas de transporte ibérico para a atracción de investimentos. En particular, destacouse a conexión por alta velocidade de todo o Eixo Atlántico, que discorrerá dende A Coruña ata Lisboa.

Noticias Relacionadas