Investidores franceses converterán as ruínas dun antigo hotel fronteirizo nun establecemento de luxo

O coñecido como o «Grande Hotel do Pezo» (Melgaço) recuperará o seu esplendor tras a aprobarse a súa reforma por 7,2 millóns de euros

Comparte el artículo:

Compartir en facebook
Compartir en twitter
Compartir en linkedin
Compartir en whatsapp
Compartir en telegram
Compartir en email

A fronteira entre Galicia e Portugal acumula proxectos millonarios. A restauración de instalacións históricas para reconvertelas en hoteis de luxo e impulsar o turismo da zona é unha constante nos últimos anos. Neste sentido, a empresa de capital franco-portugués, OCRAM Hotel Management, decidiu que é o momento de recuperar o esplendor do «Grande Hotel do Pezo», en Melgaço, cun investimento de 7,2 millóns de euros. A operación foi aprobada por Turismo de Portugal, e está financiada polo Programa Operativo de Competitividade e Internacionalización (COMPETE).

Este hotel, que tivo a súa orixe no século XIX, viviu a súa época dourada a principios do século XX grazas ás augas termais da contorna (foi un centro de peregrinación de galegos). Con todo, iría entrando en decadencia ata o seu peche (leva abandonado máis de 50 anos).

O obxectivo dos investidores é transformar estas ruínas nun hotel de luxo con 74 habitacións, capela e unha área de aproximadamente 11.900 metros cadrados. Conservarase a estrutura orixinal; integrándose novos módulos para acoller os variados servizos que se ofertarán. A empresa 1147-Promoción Inmobiliaria, responsable da obra de reconstrución do edificio, asegurou que a unidade terá unha cualificación de «4 estrelas Superior»; con aparcamento, instalacións sanitarias e modernos equipamentos. As obras xa comezaron, cunha data de apertura que se estima para finais de 2022 ou principios de 2023.

O balneario secular do Parque Termal de Melgaço, anexo ao complexo en reforma, foi reaberto e catalogado como monumento de interese público no ano 2013. É unha actuación máis na procura de revalorizar a fronteira galaico-portuguesa como destino natural e cultural. Tamén hai en marcha outros proxectos dentro do Programa REVIVE, como a reapertura como pousada dun castelo do século XIX en Vila Nova de Cerveira, ou a habilitación como establecemento local do Forte da Ínsua (Caminha), na desembocadura do Miño.

Noticias Relacionadas